யார் இவர்கள்...?
தமிழக அரசியல் பரமபத விளையாட்டில்
அவ்வப்போது மேலும் கீழும் போகும் இவர்கள்.
1
தமிழக மக்களுக்குச் சலுகைகள்
அதுவும் விலையில்லா சலுகைகள் செய்யவே
இவருக்கு ஆசையோ ஆசை பேராசை!
இருண்டு கிடக்கும் தமிழகத்தை
வெளிச்சத்துக்கு கொண்டுவர
கனவு கனவு மின்சாரக்கனவு!
வறண்டு கிடக்கும் தமிழகத்தை
காவேரியால் வளமாக்கிடவே
தில்லி படையெடுப்பு!
அதற்காக அம்மா! தாயே! என்று
கெஞ்சவா முடியும்?
சிலநேரங்களில் வெற்றி
சில நேரங்களில் அவமானம்.
எல்லாம் யாருக்காக? தமிழக மக்களுக்காக!
2
இவருக்கோ குடும்பப் பிரச்சனை. கட்சிப் பிரச்சனை.
அடுத்து மீண்டும் ஆட்சியை பிடிக்கவேண்டும்
கட்சியை காக்கவேண்டும் அதுவே பெரும் பிரச்சனை
வெற்றியோ? தோல்வியோ?
போராட்டமே இவரது வாழ்கை..!
குடும்பத்தலைவர் கட்சித்தலைவர்.
சிந்தனையிலும் செயலிலும் வயதான வாலிபர்!
3
தேர்தல் வந்தாலும் வராவிட்டாலும்
அடுத்த முதல்வர் இவரே!
அறிவிப்பதும் இவரே!
இது முற்போக்கு சிந்தனையா?
இல்லை இவரது கனவா?
இவரது போராட்டங்கள்
தீவிரமாகத் துவங்கும்
வேடிக்கையாக முடியும்
பிடித்தது திண்டுக்கல் பூட்டு!
அய்(யா)யோ பாவம்
அதனால் இவரைப் பிடிக்காது
டாஸ்மாக் குடி மகன்களுக்கு!
4
பேச்சுக்கும் செயலுக்கும்
சம்ப(த்)ந்தம் இல்லாதவர்.
வீராதி வீரர் அறிவிக்கை வீரர்
அது இவருக்கு அறிவி(வைகோ)க்கைப் போர்..
நமக்கோ அக்கப் போர்? ஆக்கப்போர்?
5
இவருக்கு நடிப்பே பிடிக்காது
நடிகராக இருந்தாலும்
(போலியாக)நடிக்கவும் தெரியாது
அது சினிமாவாக இருந்தாலும் சரி!
அரசியலாக இருந்தாலும் சரி!
வாழ்க்கையாக இருந்தாலும் சரி!
எல்லோரும் பாராட்ட வேண்டும்
என்று நினைப்பவர் இவர்
துரோகிகளைப் பிடிக்காது
பிடித்தது கருப்பும் எம்.ஜி.ஆ(ர்)ரும்
ஆத்திரத்தின் உச்சம்
அதுவே அவர்மேல் விழும் எச்சம்?
.......................பரிதி.முத்துராசன்
(மன்னிக்கவும் ..இங்கு நகைச்சுவையை மையாமாக வைத்துத்தான் எழுதப்பட்டுள்ளது.யாரையும் உயர்வாகவோ தாழ்வாகவோ எழுதும் எண்ணமில்லை ..அவ்வாறு ஏதேனும் எண்ணத் தோன்றினால் வருந்துகிறேன்.மீண்டும் மன்னிக்கவும்..நன்றி!)
*****************************************************************************
(அன்பர்களே! நண்பர்களே!
இந்த காலக்கட்டத்தில்
யாருக்கும் வில்லங்கம் வேண்டாமே!
இது தமிழகத்தின் அரசியல் கிசு கிசு!
யார் என்று அடையாளம் கண்டவர்கள்
விருப்பப்பட்டால் வாக்களிக்கவும்
நீங்கள் அளிக்கும் வாக்கு
வலையுலகில் அவர்களின் நிலை என்ன?
அவர்களுக்கும் தெரியவரும்
நமக்கும் தெரிய வரும்.)
கருத்துக்ககணிப்பு-
2012:தமிழக அரசியலில்
இவர்களில் நம்பர்- 1 யார்?
***************************************************************************இப்பதிவைப் பற்றிய தங்கள் கருத்து....?
வலைதளங்களில் பகிருங்கள்....நன்றி!!!
Follow @PARITHITAMIL |