குட்கா தடை-அம்மா வழி அறவழி...?

 
அறவழி செல்வோருக்கு
எவ்வலியும் வராது.
புகையிலை வழி
போவோருக்கு... 
புற்றுநோய் வலியில் 
இற்றுதான் போவார்கள்  
இங்கே அந்த குறையும்
இனிமேல் இல்லை 

 
அம்மா....
புகையிலைக்கு
அறம் பாட...
ஆரோக்கியம்
ஆரம்பமானது.
நேற்று
சாதிவெறிக்கு
சங்கு ஊதினார்



இன்று
புகையிலை அரக்கனை
புதைக்கத் துணிந்தார் 
இனி குட்காவுக்கு
இங்கே இறுதியாத்திரை
பான்பராக்குக்கு
பாடை கட்டியாச்சு....



நாளை
மதுவிற்பனைக்கும்
மண் அள்ளிப்போட்டால்...
அம்மா வழி அறவழி  
அய்யன் காட்டிய  குறள்வழி 


கவிதை தந்த குறள் 33:

ஒல்லும் வகையான் அறவினை ஓவாதே
செல்லும்வாய் எல்லாஞ் செயல்.

சாலமன் பாப்பையா உரை:

இடைவிடாமல் இயன்ற மட்டும் எல்லா இடங்களிலும் அறச்செயலைச் செய்க.

குறிப்பு-இது குறளுக்கு எழுதிய விளக்கமல்ல...குறள் படித்ததால் என்னுள் எழுந்த உணர்வின் பிரதிபலிப்பு..இலக்கியவாதிகள் தவறாக நினைக்க வேண்டாம்............................பரிதி.முத்துராசன்     


 

இப்பதிவு தங்களுக்குப் பிடித்திருந்தால்....
வலைதளங்களில் பகிருங்கள்....நன்றி!!! பதிவுகளை உடனுக்குடன் தெரிந்து கொள்ள.......
ட்விட்டரில் இணைந்து கொள்ளுங்கள்

Follow @PARITHITAMIL

வாருங்கள் வாழ்வோம் முகநூல் நண்பர்களாக...