அழுக்குத்தடயங்கள்.

கழற்றிப்போட்ட

சட்டையில்தான்

எத்தனை அழுக்குகள்!

அத்தனையும்

அழிந்துபோகாத 

அழிக்கமுடியாத

அழுக்குத்தடயங்கள்.

அதே சட்டையைத்தான் 

கசக்கிகட்டி புது சட்டை போல 

அணிந்துகொண்டு

பூரித்துப்போகிறேன்.

நேற்றைய தப்புக்கள்

மறுக்கமுடியாத

மறைக்க முடியாத நிஜங்கள்!

ஆனால்

மறந்துவிடுகிறேன்

தினந்தோறும் புதியவனாய்

பிறக்கிறேன் .

தினந்தோறும் புதுச்சட்டை

அணிகிறேன்.

இப்பதிவு தங்களுக்குப் பிடித்திருந்தால்....
வலைதளங்களில் பகிருங்கள்....நன்றி!!! பதிவுகளை உடனுக்குடன் தெரிந்து கொள்ள.......
ட்விட்டரில் இணைந்து கொள்ளுங்கள்

Follow @PARITHITAMIL

வாருங்கள் வாழ்வோம் முகநூல் நண்பர்களாக...