பரிதி.முத்துராசன்: சுடுகாடு எங்கே இருக்கு சொல்லுங்கடா?

சுடுகாடு எங்கே இருக்கு சொல்லுங்கடா?-இந்த

சோம்பேறிக் கூட்டத்தை கொண்டு புதையுங்கடா!

நாட்டைக் கெடுக்கும் நயவஞ்சக கூட்டமடா-இதை

நாளும் வளரவிட்டால் நாடு கெட்டுப்போகுமடா

சுடுகாடு எங்கே இருக்கு சொல்லுங்கடா?-இந்த

சோம்பேறிக் கூட்டத்தை கொண்டு புதையுங்கடா!

மதவெறி கொண்டு அலையும் கூட்டமடா-இது

மனிதாபிமானத்தை தின்று பல்லைக்காட்டுதடா

கட்டுக் கதைகளை சொல்லி ஏமாற்றுதடா-இது

நாட்டு முன்னேற்றத்தை முடக்கிப் போடுதடா

சுடுகாடு எங்கே இருக்கு சொல்லுங்கடா?-இந்த

சோம்பேறிக் கூட்டத்தை கொண்டு புதையுங்கடா!

பொய் பித்தலாட்டம் பேசித்தான் அலையுதடா-இந்த

வாய் சவுடாலுக்கு பேர் இங்கு என்னவாமடா?

நாளும் விலை ஏற்றி மகிழுதடா கேட்டால்-இங்கு

நாட்டு வருமானம் போதவில்லையென புளுகுதடா

சுடுகாடு எங்கே இருக்கு சொல்லுங்கடா?-இந்த

சோம்பேறிக் கூட்டத்தை கொண்டு புதையுங்கடா!

மின்சார அடுப்பில் தீயெரிய மாட்டேங்குதடா-அந்த

சமையல் கேஸை நினைத்து வயிறு எரியுதடா

வதந்தீ மட்டும் என்றும் பற்றி எரியுதடா-இந்த

கொடும்தீ பரப்பி அலையுது ஒரு கூட்டமடா

சுடுகாடு எங்கே இருக்கு சொல்லுங்கடா?-இந்த

சோம்பேறிக் கூட்டத்தை கொண்டு புதையுங்கடா!

போராடி நாட்டை தந்ததொரு கூட்டமடா -அதை

வேரோடு அழிக்க வந்தது ஊழல் கூட்டமடா

சட்டமும் இங்கே பட்டமாய் பறக்குதடா –அது

சதிகாரர் கையில் போய் விளையாடுதடா

சுடுகாடு எங்கே இருக்கு சொல்லுங்கடா?-இந்த

சோம்பேறிக் கூட்டத்தை கொண்டு புதையுங்கடா!
***********************************************

Thanks-YouTube-Uploaded by balajprasanna on Dec 25, 2011

ThanksSoundcloud -Anger by momoypseudo

இப்பதிவு தங்களுக்குப் பிடித்திருந்தால்....
வலைதளங்களில் பகிருங்கள்....நன்றி!!!

பதிவுகளை உடனுக்குடன் தெரிந்து கொள்ள.......
ட்விட்டரில் இணைந்து கொள்ளுங்கள்

வாருங்கள் வாழ்வோம் முகநூல் நண்பர்களாக...

பரிதி.முத்துராசன்