ஜனவரி-இந்த வருடம் தொடங்கும்போதே துப்பாக்கியுடன் சண்டை போட்ட கள்ளத்துப்பாக்கி முதல் படமாக வெளிவந்து புஸ்வானமானது... ஆவலுடன் எதிர்பார்த்த கார்த்தியின் அலெக்ஸ் பாண்டியன் எல்லாருக்கும் அல்லா கொடுத்தார் அப்படித்தான் விஷாலும் சமர் என்ற கல்கொனா கல்லுமிட்டாய் கொடுத்து படம் பார்த்தவர்களின் பல்லை உடைத்தார் என்றால்....சந்தானம் பவர் ஸ்டாருடன் இணைந்து கண்ணா லட்டு தின்ன ஆசையா என்று கலக்கிவிட்டு பாவம் பாக்கியராஜக்கு லட்டு கொடுக்காமல் ஏமாற்றிவிட்டார்
பிப்பரவரி மாதம் தமிழ் திரையின் இமாலய இயக்குனர் மணிரத்தினம் வாங்கடா வாங்க...என்று படம் பார்க்க வந்தவர்களையெல்லாம் கடல் -லில் மூழ்கடித்தார் என்றால் இன்னொரு ஜாம்பவனோ மதம் பிடித்த யானை போன்று விஸ்வரூபம் எடுத்து எல்லோரையும் காலில் போட்டு மிதித்தார் அப்படித்தான் புதுமை இயக்குனர் அமீரின் ஆதிபகவன் எடுத்து அவரே படம் பார்க்க வேண்டியதானது ஆனாலும் ஹரிதாஸ் நல்லாத்தான் படம்காட்டினார் அய்யோ பாவம் மசாலா போடா மறந்துவிட்டார்
மார்ச் மாதம் வந்த படங்களில் பாலாவின் பரதேசி....அவரை பரதேசியாக்கவில்லை...ஆனாலும் சென்னையில் ஒரு நாள் ஏதோ பரவாயில்லை ஆனால் காமெடி மசாலா தூக்கலாக இருந்த கேடி பில்லா கில்லாடி ரங்கா செம கலக்கல்
ஏப்ரலில் வந்த சேட்டை குறட்டை விட்டது...உதயம் NH4 நெடுஞ்சாலையில் விபத்து ஆகாமல் ஆனாலும் வேகமில்லை
மே மாதம் சிவ கார்த்திகேயன் எதிர்நீச்சல் போட்டு கரை சேர்ந்திட...சூது கவ்வும் என்ற விஜய சேதுபதியை வெற்றி கவ்வியது சசிகுமாரின் குட்டிபுலி பாய்ச்சல் கொஞ்சம் பரவாயில்லை தொப்புள் நங்கை நஸ்ரியாவின் நேரம் இப்ப நல்லாத்தான் இருந்துச்சு....
ஜூனில் வந்த பாரதிராஜாவின் அன்னக்கொடி கிழிஞ்சு போச்சு...தில்லு முல்லு...அடங்கொய்யால......படம் பார்த்த என் காசு எள்ளு...ஆனால் தீயா வேலை செய்யனும் குமாரு-னு சுந்தர்,சி....நல்லாவே சிரிக்க வச்சாரு
ஜூலையில் சூர்யாவின் சிங்கம்-2 அதிரடி கர்ஜனை..படம் பார்த்தவர்களின் காது கிழிந்தது.........அவிங்களுக்கு காசு குவிந்தது.மரியான்-னையும் பட்டத்து யானையையும் பாடாப்படுத்தியது
ஆகஸ்ட்டில் சுசீந்திரன் ஆதலால் காதல் செய்வீர் என்று சொல்லி காதல் செய்வோரைப் பார்த்து பல்லிளிக்க...ஆதலால் அரசியல் செய்யாதீர் என்று தலைவா தரிகிடத்தோம் போட....காமெடி மசாலா குதிரையில் ஜம்முனு தேசிங்கு ராஜா விமலின் பயணம் அதே நேரம் தான் பிடித்த மீன்கள் தங்க மீன்கள் என்று ராம் சொல்ல நொந்த மீன்கள் என்று சிலர் சொல்ல...படத்துக்கு வெளியே ஏக களோபரம்
செப்டம்பரில் வருத்தப்படாத வாலிபர் சங்கம் ஆரம்பித்த சிவ கார்த்திகேயன் நல்ல வசூல் அறுவடையில் மிதக்க....மூடர் கூடம் நவீன் வித்தியாசமான தமிழ் படக்கூட்டத்தில் நல்ல வரவு என்றால்....ராஜா ராணி உல்டா கதைகளின் உறைவிடம் அய்யோ பாவம்... 6 மெழுகுவர்த்திகள் ஷாம் தன் உடலை வருத்திக்கொண்டதுதான் மிச்சம்
அக்டோபரில்.....இதற்குத்தானே ஆசைப்பட்டாய் பாலகுமாரா என்று அண்ணாச்சி...விஜய் சேதுபதி இஸ் ஹேப்பி... நஸ்ரியாவின் தொப்புள் விவகாரம் நல்ல நய்யாண்டி.........ஹி...ஹி
ஆனால் இந்த மாதம் அஜித்தின் திரைவாழ்வில் வெற்றிப் பயணத்தின் மீண்டும் நல்லதோர் ஆரம்பம்
நவம்பரில் ஆல் இன் ஆல் அழகுராஜா எல்லோரையும் அழவைத்ததுதான் மிச்சம் அப்படித்தான் பிட்சா-2 வில்லா என்று புல்லா ஒரு வீட்டையே காட்டி அவியிங்களே பயிந்து ஓடிட்டாயிங்க......அதாவது பரவாயில்ல இன்னொரு மாய உலகத்த காட்டுறேன் என்று சொல்லி செல்வராகவன் அண்ணன் இரண்டாம் உலகம் காட்டி ஏகத்துக்கு நம்மள பைத்தியமாக்க....நவீன சரஸ்வதி சபதம் என்று சந்த்ரு அண்ணன் காதுல சுத்துன பூ கணக்கு வழக்கு இல்லை...ஆனால் பாண்டிய நாடு விஷால் காட்டில் நல்ல மழை
இந்த டிசம்பர் மாதத்தில்...... பிரசன்னா செய்த கல்யாண சமையல் சாதம் சாப்பிடுற மாதிரி இருந்துச்சு....வெங்கட் பிரபு செய்தது பிரியாணியா...? குஷ்காவா..? என்று ஆராய்ச்சி நடக்கின்றது..அதாவது பரவாயில்லை இப்பலாம் படத்துக்கு போகவே பயமாயிருக்கு அம்புட்டுபேரும் கையில அருவாளோடு மதயானைக் கூட்டம் போல் தகராறுக்கு அலையிறானுங்க...சாவு ஒப்பாரியையும் காமெடி விழாவாக்கிப்புட்டாயிங்க அதுலபாருங்க விக்ரம் பிரபு மட்டும்.......... இவன் வேறு மாதிரி கொஞ்சம் புது மாதிரி ஆனால் காதல் மட்டும் என்றென்றும் புன்னகை
இந்த வருடம் சூப்பர் ஸ்டாரின் கோச்சடையான் கோபித்துக்கொண்டு வரவேயில்லை உலகநாயகர் தனது இரண்டாம் விஸ்வரூபத்தை காட்ட தயக்கம் இளையதளபதியோ அடக்கத்தின் ரூபமாய்....தலதனக்கு ஆரம்பித்த வெற்றியின் அடியாளமாக மொட்டத் தல....ஆனால் விஜய் சேதுபதியும் சிவ கார்த்திகேயனும் எதிர்பாராத வெற்றிக்களிப்பில்....
இந்த வருடம் வந்த நிறைய தமிழ் படங்கள் ஆங்கிலம்,கொரியா,சீனா, இந்தி,மலையாளம்... என்று உலகில் உள்ள எல்லா மொழிகளிலும் இருந்து சுட்டது போதாது என்று பழைய தமிழ் படங்களிலும் பிட்டு பிட்டாக சுட்டு நமக்கு பிட்டு படைத்த நம்ம இயக்குனர்கள் செய்த திருவிளையாடல்கள்......சாரி....திரை விளையாடல்கள் அதனால் சென்னை எக்ஸ்பிரஸ்,கிரீஸ்3 ,தூம்-3..போன்ற இந்திப்படங்கள் இங்கே வெற்றிக்கொடி நாட்டின....
ஆக...இந்த வருடம் 2013 தமிழ் சினிமா-உல்டா புல்டா
வலைதளங்களில் பகிருங்கள்....நன்றி!!!
| Follow @PARITHITAMIL |