சிக்குவிழுந்து கிடக்குதைய்யா
எங்கள் சிங்கார தலைகள்
சீர்குலைந்து கிடக்குதைய்யா
எங்கள் சின்னஞ்சிறு இலைகள்
உங்கள் வாகனப்புகையிலும்
குழிவிழுந்த சாலைப்புழுதியிலும்
சிக்குவிழுந்து கிடக்குதைய்யா தலைகள்
சீரழிந்து கிடக்குதைய்யா இலைகள்
கிராமத்து கனிதரும் மரங்களல்ல
உங்கள் நகரத்தை அழகுசெய்ய
நீங்கள் நட்டிவைத்த மரங்கள்
உங்கள் சாலையை சரிசெய்ய
எங்கள் கைகளை ஓடித்ததால்
அரைகுறை ஆடையில் நிற்கும்
நகரத்து நாகரிக மங்கைகள் போல்
நாங்கள் நகரத்து மரங்களைய்யா
நிழல் தரும் மரங்கள் நாங்கள்
நிற்கமாட்டீர்கள் யாரும் நீங்கள்
அவசரவேலை உங்களுக்கு
ஆனாலும் நீங்கள்
கம்பி இணைப்புகளை
இழுத்துச்செல்ல
தவறாமல் போடுவீர்கள்
திருப்பதி மொட்டை எங்களுக்கு
வாகனங்களின் வக்கிர இறைச்சல்களில்
தொலைந்துபோகிறது எங்கள் தென்றல் ராகம்
தள்ளாடுகிறது எங்கள் தாலாட்டுப்பாடல்
எந்த கத்திரிவெயிலுக்கும்
சுகம்தருவோம் நாங்கள்
ஆனாலும் நீங்கள்
அடைந்து கிடப்பீர்கள்
குளிர்சாதன அறைக்குள்
உங்கள் சாக்கடை நீரைஉறிஞ்சி
எங்கள் தேகமும் நாறுகிறது
உங்கள் நகரத்து நச்சு காற்றால்
எங்கள் சுவாசமும் நாசமானது
அடுத்து மழை வரும் நாளுக்கு
ஆவலோடு காத்திருக்கிறோம்
வலைதளங்களில் பகிருங்கள்....நன்றி!!!
| Follow @PARITHITAMIL |