google-site-verification: googlee9cb2a81adc6f062.html பரிதி.முத்துராசன்: மக்களாட்சி நடக்கிறது

Wednesday, July 11, 2012

மக்களாட்சி நடக்கிறது



விலையில்லாதவைகளை   
வள்ளல்களாக வாரிவழங்கி
மக்களை மடயர்களாக்கும் 
மாண்புமிகு மந்திரவாதிகள்

வெளிநாடுகளில் பணத்தையும்
உள்நாட்டில் உணவையும் 
பதுக்கிவாழ்ந்து நடிக்கும் 
பணக்கார பரதேசிகள்

நேற்று பன்றி காய்ச்சல்
இன்று டெங்கு காய்ச்சல்
நாளுமொரு காய்ச்சல்
நடுங்கும் மக்களை மறந்து
உல்லாசமாக ஓய்வெடுத்து 
உறங்கும் பொதுநலவாதிகள்     

தாலிக்கு தங்கம் யாசிக்கும்
தங்கத்தமிழ்நாட்டில்
தங்க அரியாசனத்தில் அமர்ந்து
தங்க கீரிடம் சூட்டி மகிழும்
தரித்திர மடாதிபதிகள்

மக்கள்ஊழியர்களாக  
மாதசம்பளம் வாக்கும்
மேல்நிலை கீழ்நிலை
எல்லா நிலையிலும்
எதையாவது கொடுத்தால்தான்
எதுவும் செய்வேன் என்று
கையேந்தும் ஊழல்வாதிகள்

நம்புங்கள்.....மக்களே
மன்னராட்சி ஒழிந்துவிட்டது
மக்களாட்சி நடக்கிறது
இவர்களும் நம் மக்களே!

**********************************
 காணொளி-எத்தனைக்காலம்தான்...



Thanks-YouTube-Uploaded by on Dec 12, 2010
 
இப்பதிவு தங்களுக்குப் பிடித்திருந்தால்....
வலைதளங்களில் பகிருங்கள்....நன்றி!!!
பதிவுகளை உடனுக்குடன் தெரிந்து கொள்ள.......
ட்விட்டரில் இணைந்து கொள்ளுங்கள்
வாருங்கள் வாழ்வோம் முகநூல் நண்பர்களாக...
UA-32876358-1