அன்றொரு நாள் (1995)
லண்டன் நகரத்தை
மாலை வரை சுற்றி விட்டு...
தங்கும் விடுதியில்
இரவு விருந்து...
களைப்பு தீர....?
களிப்பு விருந்து
நாவுக்கு விருந்து....
வித விதமான
மதுப்புட்டிகள்
பனிக்கட்டிகள் மிதக்கும்
மதுக்கோப்பைகள்
காதுக்கு விருந்து...
அருந்திக்கொண்டே தள்ளாட
தள்ளாடிக்கொண்டே அருந்த
துள்ளல் மிக்க மேல்நாட்டிசை
கண்ணுக்கு விருந்து....
வயிற்றைக் குலுக்கி
அரைகுறை ஆடையில்
ஆடும் மங்கையின்
தொப்பை நடனம்(belly dance)
அவள் ஆட்டத்தில் கதிகலங்கி
இந்தியாவிலிருந்து சுற்றுலா போன
நம் இந்திய அண்ணன்மார்கள்
அவள் இடுப்பில் சொருகினார்கள்
இந்திய ரூபாய் நோட்டுகளை
மங்கிய வெளிச்சத்தில்
அவைகளை டாலர் நோட்டுகள்
அல்லது அவர்கள் நாட்டு பணம்
என்று நினைத்தாளோ...?
அவளும் மகிழ்ந்தே ஆடினாள்.
முதல் ஆட்டம் முடிந்து
ஆயாசமாக ஓய்வெடுக்க
அறைக்குள் போனவள்...
அத்தனையும் ரூ..நோட்டுகள்
கொதித்துத்தான் போனாள்
அந்த நடன மங்கை
அத்தனை காகித நோட்டுகளையும்
அள்ளி வந்து வீசினாள்
நம் பார்(ரி)வள்ளல்கள் முகத்தில்
அத்தோடு முடிந்தது அவள் ஆட்டம்.
இன்று வரை இதை நினைத்து
நீர்த்துப்போகிறது என் வாட்டம்!
.............................................பரிதி.முத்துராசன்
thanks-images-deviantart
***********************************************************
வலைதளங்களில் பகிருங்கள்....நன்றி!!!
Follow @PARITHITAMIL |