(தீர்ப்பு-முட்டாள்தனமான வன்முறையை கவுரவமாக நினைக்கும் ஒரு வன்முறை கூட்டத்தின் முகத்திரையை கிழிக்கும் வன்முறை காட்சிகள் நிறைந்த திரைப்படம்..... மதயானைக்கூட்டம்)
இது போல் ஒரே சாதிக்குள் கவுரவம் பார்க்கும் எத்தனையோ திரைப்படங்கள் அதிலும் மதுரையை கதைக்களமாக கொண்டு வெளிவந்திருந்தாலும் இப்படம் இயக்குனரின் துணிச்சல் மிகுந்த முயற்சிக்காக பாராட்டலாம்
படம் தொடங்கும் போதே சரவெடி சப்தம், ஆட்டம் பாட்டம் கொண்டாட்டத்துடன் ஜெயக்கொடி தேவரின் சவ ஊர்வலம்........ மரணத்திலும் கௌரவ அடக்கம் அப்போது பிளாஸ்-பேக் கதையாக....
ஜெயக்கொடி தேவருக்கு இரண்டு மனைவிகள் இரண்டாவது மனைவியுடன் வாழும் அவருக்கு பார்த்தி (கதிர்) என்ற மகனும் ஒரு மகளும் அவரது முதல் மனைவி (விஜி சந்திரசேகர்) க்கும் ஒரு மகன் ஒரு மகள் அனால் அவர்கள் விஜியின் சகோதரர் குடும்பத்துடன் வாழ்கின்றார்கள்
இந்த இரண்டு குடும்பங்களுக்குள்ளும் நடக்கும் பகையுணர்வு,
விட்டுக்கொடுக்காத மனயியல்பு, போட்டி,பொறாமை,கலாட்டாக்கள்.... படத்தின் கதையம்சமாக உள்ளது
ஜெயக்கொடி தேவர் இறந்த அடுத்த நிமிடமே முதல் மனைவியின் குடும்பத்தார் அவரது உடலை கைப்பற்றி......இரண்டாவது மனைவியின் குடும்பத்தாரை அவரது உடல் அடக்கத்தில் கலந்து கொள்ள விடாமல் தடுக்கின்றார்கள் ஆரம்பத்தில் முட்டாள்தனமான வன்முறையை ஆதரிக்காத பார்த்தி.....சந்தர்ப்ப சூழ்நிலையால் அவரும் வன்முறையில் இறங்குவதாக காட்டப்பட்டுள்ளது
படத்தின் முதல் பாதி ஜெயக்கொடி தேவரின் மரணமும் சடங்குகளும் செய்முறைகளும் என்று போய்கொண்டிருக்க....இரண்டாம் பாதி முழுவதும் வழக்கமான கற்பனை பழிவாங்கும் கதை
ஓவியாவின் கதாப்பாத்திரம் கதிருடன் காதலிப்பது தவிர வேறேதுமில்லை கதிரின் முகத்தில் வடியும் அப்பாவித்தனம் கதாபாத்திரத்தின் வெறுப்பு கபடம் கழிசடை தன்மைக்கு எடுபடவில்லை மற்ற கதாப்பாத்திரங்கள் தேனீ சுற்றுவட்டார பேச்சு வழக்கிலும் லுங்கியுடன் கைகளில் அருவா நடையிலும் கலக்குகிறார்கள்
படம் ஆரம்பித்து முடியும் வரை ஒவ்வொரு 15 நிமிடங்களுக்கும் ஒரு வன்முறை கொலைக்காட்சி திரையில் காட்டப்படுவதுதான் ஜீரணிக்க முடியவில்லை
நல்ல ஒளிப்பதிவும் ஒலிப்பதிவும் இருந்தும் படம் ஏனோ மனதில் ஒட்டவில்லை போலிப் பெருமை,குடும்ப கௌரவம்...இதைக் கதைக் கருவாக எடுத்துக்கொண்ட இயக்குனரின் முயற்சியை பாராட்டலாம்
அவர் மட்டும் கடைசியில் கொடூரத்தையும் பழிவாங்கும் பைத்தியக்கார வன்மத்தையும் வன்முறையையாக காட்சி படுத்தாமல் இருந்திருந்தாலும் அனைத்து வயதினரும் பார்க்கும் படி படம் காட்டியிருந்தாலும் இப்படம் இன்னும் சிறப்பாக இருந்திருக்கும்
ஆனாலும்.....அறிமுக இயக்குனர் என்ற வகையில் விக்ரம் சுகுமாரன் பாராட்டப்படவேண்டியவர்
thanks-YouTube by JSK Film Corporation
விமர்சகர்கள் கருத்து........
உணர்ச்சியில்லாத கதை சொல்லும் பாங்கு பார்வையாளர்களை திரைப்படத்துடன் ஒன்றிட செய்யவில்லை படத்தில் வரும் அதிகமான கதாப்பாத்திரங்கள் கடைசியில் எதுவும் பார்வையாளர்கள் மனதில் நிற்கவில்லை....என்கிறது BEHINDWOODS விமர்சனக்குழு
காதல் கதையைவிட பழிவாங்கும் கதையை முன்னணிப் படுத்தி ஒரு வன்முறை சமுதாயத்தின் வன்முறை குடும்பத்தை கதையாக மதுரை சார்ந்த பகுதிகளின் நிஜத்தை பிரதிபலித்த இயக்குனர் விக்ரம் சுகுமாரன்,தயாரிப்பாளர் ஜி.வி.பிரகாஷ் குமார் இருவரின் துணிவு வரவேற்க தக்கது.....என்கிறது indiaglitz வலைத்தளம்
இந்த ஆண்டின் சிறந்த ஒளிப்பதிவு இப்படமாகத்தான் இருக்கும் என்று ஒளிப்பதிவாளர் ராகுல் தருமனை பாராட்டுகின்றார் desimartiny பிரசாந்த் ரெட்டி
டிவிட்டர்களின் பார்வையில்...........
ஈரோடு தங்கதுரை
சாதீய வெறி கூட்டத்திற்கு நடுவே நடக்கும் பாசத்திற்கும் கெளரவத்திற்குமான போராட்டம்..!
( நிறைய வன்முறையோடு )
# மதயானைக்கூட்டம்
கனியன்
இழவு வீட்டை மையப்பொருளாக்கி "மதயானைக்கூட்டம்" மற்றும் "விழா" என்னும் இரண்டு சினிமாக்கள்! # தயாரிப்பாளர்களுக்கு சாவு வெள்ளாமையாக இருக்குமா?
எட்டப்பன்
மதயானைக்கூட்டம் ' அப்பிடின்னா மதவெரிபுடிச்ச மதுரக்காரங்ஞண்ணு அர்த்தமா ?
#பயங்கரடவுட்டு
@$#0K
சிங்கம், சிறுத்தை, சிங்கம்புலி, கும்கி, குள்ளநரிக்கூட்டம், ஓநாயும் ஆட்டுக்குட்டியும், மதயானைக்கூட்டம் #இது தமிழ்சினிமாவா, சர்கஸ் கூடாரமாயா?
ஸிக்மண்ட்~நோவாக்கி
மதயானைக்கூட்டம் - இஸ் எ வேர்ல்ட் க்ளாஸ் மூவி பட் ஒன் இன்ச் லெஸ்ஸர் தன் சுப்ரமணியபுரம், ஆடுகளம் & பருத்திவீரன்
Kosaaksi Zen
மதயானைக்கூட்டம் நல்லாருக்குனு சொல்றவங்கள்லாம் சாதிவெறி புடிச்ச ஆளுங்கதான்னு ஒரு கூட்டம் கெளம்புமே. #இணைய போராளி
விஜயகுமார்
நேர்த்தியான திரைக்கதை, அருமையான ஒளிபதிவு , அருமையான பாடல்கள், #மதயானை கூட்டம் -
krishnaprasanth
மதயானைக்கூட்டம் திரைப்படம் பார்த்தேன் யதார்த்த சினிமாவில் இதும் ஒரு தனி இடம் பெரும் அணைத்து கதாபாத்திரங்களும் கச்சிதம்
வலைதளங்களில் பகிருங்கள்....நன்றி!!!
| Follow @PARITHITAMIL |